Hemsereka Pêroyî ya DEM Partî Tulaye Hatimogullari ke cewab da persanê ANFyî vat beno ke peynîya aşme de heyet şiro Îmrali û mesajê Rayber Apoyî bêro.

Tullaye Hatimogullari nê vatî: ''Badê vengdayîşê Devlet Bahçeliyî meseleya kurdan bi tewiranê cîya cîyayan yena qiseykerdene. Birêz Abdullah Ocalanî bi heyetî mesajê muhîmî şawitî teber. Reyna heme hetanê komelkî yê Tirkîya ra zî semedê çareserkerdişê meseleya kurdan vengdayîşî ameyî. Muxalefetî zî mesajê muhîmî dayî. başûrê Kurdîstanî de zî pêvînayîşê muhîmî ameyî kerdene.

Hetê bînî ra operasyonê vera HDKyî, tayînkerdişê qeyûman û operasyonê vera Rojawanî zî dewam kenê. Reyna vera peymana bajarî operasyonî est ê. Hetêkî ra komel haştîye paweno hetê bînî ra îqtîdar gamanê vera haştîye erzeno.  Nê hêrişî zirar danê demê prosesî .Coka ganî nê hêrişî cade bêrê qedînayene.

Ma pawenê ke peynîya sibate û vernîya adare de pêvînayîşê Îmraliyî bêro kerdene û mesajê Birêz Ocalanî  Îmraliyî bêro parekerdene. Pîya bi nê mesajî têkoşînî do biaçarîyo merhaleya newî. Ma wazenê ke tecrîd helêkê cuwa ver bêro wedaritene. Ganî şertê azadî bêrê caardene ke Birêz Ocalan bieşko bigurîyo. Cografyaya ma raşta zî şerî ra, qonî û hesran ra qefilyaye. Ma pêro hewcedarê haştîye yê.''