Hemserekê Pêroyî yê ÎHDyî Ozturk Turkdoganî bira Komîteya Wezîran a Konseya Ewropa ya serê Rayberê Şarê Kurdî Abdullah Ocalanî ercnaye. Komîte eşkera kerdbi ke ganî Tirkîya heta peynîya êlula 2022î derheqê rewşa Ocalanî de agahîyan bida.

Turkdoganî vist vîrî ke serra 2009î ra dima statuyê zîndanê Îmraliyî raşta raşte pavesteyê Wezîrîya Edaletî bîyo û vat: ''Nika rewşa Îmraliyî tecrîdî ra zêdêr îzalosyon o. Heyetê Wezîran qala zîyaretanê CPTyî keno û pare keno ke binê çimdarîye û kontrolê CPTyî de yo. O çax ganî CPT karê xo bikero.

Heyetî qetî kerd ke ganî komîte seba rewşa peyêne şora Zîndanê Îmraliyî û cigêrayîşî bikera. Ganî cade têbigêra. Na bire do her serre rojdemê komîte de biba. Eke destûrê Komîsyonê Cigêrayîşî yê Heqanê Merdiman şoro zîyaretê Îmraliyî CPTyî rê hewce nêmaneno. Ganî qanûnê Tirkîya seba Ocalanî bixebitê. Qey o hemwelatîyê Tirkîya nîyo? Ganî seba ey cîyakerîye nêra kerdene. Ganî mekanîzmaya kontrolî bêra caardene. Ocalan û tepişteyê bînî nêrê peygoşkerdene. Ma zî do prosesî teqîb bikerê.''