Hetkarê Komeleya Paştdayîşî û Kulturê Anatolie (Aka-Der), Kaldiraç, Rojnameyê Karkeran, Platformê Sinifa Şorişgêre ya Xosere (BDSP), Partîya Sosyalîste ya Bindestan (ESP), Alinterî, HDP, Kongreya Demokratîke ya Şaran (HDK) û Komeleya Elewîyan a Demokratîke (DAD) waşt ke taxa Tuzluçayirî ya qezaya Mamakî ya Anqara de bi wesîleya 1ê Gulane çalakîyêke bikerê

Polîsan dormeyê taxe girewt. Rixmê teda û zordarîye zî temsîlkaranê dezgehan maskeyî dayî rîyê xo û goreyê mesafeyê komelkîyî vejîyayî meydan û înan sloganê ''Biciwîyo 1ê Gulane'', ''Yewîya karkeran do sermaye çin bikera'', ''Biciwîyo şoriş û sosyalîzm'', ''Seba şorişî aver şorê'', ''Ya sosyalîzm yan zî merg'', ''Xelisîyayîş têna bi serê xo nêbeno'' vatî.

Taxe de eşkerayîye ameye dayene û ame vatene: ''Sîstemo kapîtalîst û emperyalîst do dewam nêkero û têna hêzê cuyêka merdiman eşkeno sinifa karkeran awan bikero. Ma venga her kesî danê ke roja 1ê Gulane keyeyê xo ra bivejîyê, ma venga karkeran danê ke kargehan de vengê xo berz bikerê.''

Çalakîye ra dima polîsan xeylêk kesî dest bend kerdî. Goreyê zanayîşan kesê ke ameyî destbendkerdene wendekaranê Kovara Kaldiraçî ra Ekîn Erdem Evlîya û Anil Yeşîltepe, di endamê BDSPyî Songule û Çagla yê ke peynameyê înan nênê zanayene.

Nênê zanayene ke destbendkerdeyî ameyî berdene kamca.