Wan de serkêşîya Têgêrayîşê Cinîyan ê Azadan (TJA) de bi slogana ''Cinîyî ver bi azadîye şinê'' rayraşîyayîş ame organîzekerdene. Polîsan hêrişê rayraşîyayîşî kerd û xeylê cinîyî destbend kerdî.

Badê rayraşîyayîşî qirse bi sloganan verê banê DBPyî de ame têhet. Çalakîye de pankartê Rayraberdox ti yê, qudretê ro rê şikir û "Jin ber bi azadiyê ve dimeşin” ameyî akerdene û slgoanê sey “Bijî Serok Apo” û “Jin, jiyan, azadî" ameyî vatene.

Hemsereka Pêroyî ya DBPyî Çîgdeme Kiliçgun Uçar hêrişê polîsan şermezar kerdî û vat: '' Bi rayraşîyayîş û slogananê ma Tirkîya ameye parçekerdene? Şima nê welatî parçe kenê. Heta ke demokrasî mêro nê welatî her kes do raştê eynî şîdetî bêro. Ma têna semedê xo demokrasî nêwezanê, perûne rê wazenê.

Ma wazenê tarîtîya 15ê Sibate biaçarne roşnayî. Rayberê Şarê Kurdî Birêz Ocalan ewro cayêkê sey 12 metrekareyan de semedê ameyoxê welatî çare aferineno. Ma sey cinîyan wayîrê perpektîfê çareserîya demokratîke vejîyenê.

Ma do rixmê heme astengkerdişan tim waran de bê. Ma do vera zîhnîyetê qirkerî ke Rojîne Kabaiş û Narîne Guran qetil kerdî û Gulîstane Doku nêdîye sey pêrodayîşê Sakîne Cansiz şer bikerê. Ma do bibê qelema Nagihane Akarsel, ma do bibê kameraya Cîhane Bîlgîn. Prosesê çareserî ra metersê, wayîrê ci bivejê. Xora xoverdayîşê cinîyan û şarê Wanî rewna destan nuşto. Çew nêeşkenê verê hêzê ma bigîro.''