Hemsereka Pêroyî ya DBPyî Çîgdeme Kiliçgun Uçar çarçewaya ''Têhetameyîşê Azadîye û Haştîya Komelkî'' de Çewlîg de tewrê kombîyayîşî bîye. Çîgdeme Kiliçgun Uçar kombîyayîş de nê vatî:

"Çareserîya demokratîke ya meseleya kurdan, yeno manaya qebulkerdişê nasnameyanê cîyayan, kurdan, elewîyan, soyaslîstan. Birêz Ocalan gama ke hêvî pîlekerdêne, rîyê xo dayêne şarî. Gama ke têkoşînê demokrasîyî kerdêne rîyê xo dayêne kesanê ke zîndan û surgun de yê. Na hêvî çirey nêqedîyaye. Warêko gird yê sîyasetê demokratîkî û raştîyêka girde ya şarî est a ke do na hêvî bido ciwîyayene. Ganî îqtîdar, muxalefet û rêxistinê komelê sîvîlî pêro seba haştîye çîyêk bikerî.  Ganî pîya bi tecrîd, rejîmê qeyûmî, polîtîkayanê şerê taybetî qedexeyê  qiseykerdişê meseleya kurdan zî bêro şiknayene.

Rojawano ke pêro dinya wereyê xo pê ci ano, dewleta ma sey tehdîtî vînena. Rojawan modelêko dmeokratîk o. Çareserîya demokratîke ya meseleya kurdan û pawitişê statuyê Rojawanî seycîye muhîm ê. Rayraberdoxê înan rixmê şertanê zehmetan fîkrîyatê Birêz Ocalanî, îradeyê şarê kurdî yo. Ne azadîya Birêz Ocalanî meseleyêka peydeşetişî ya, ne zî çareserîya meseleya kurdan meseleyêka peydeştişî ya. Ganî na mesele bi heme hetan bêro qiseykerdene û çareserkerdene. No her kesî rê do bibo qezenckerdene.''

 Dima ra kombîyayîş çapemenî rê qefilnaye dewam kerd.