Hemserekê Partîya Newe ra Ronîyayîşî ya Sosyalîste (SYKP) Cavît Ugurî derheqê hêrişanê vera HDPyî de ANFyî rê qisey kerd.

Cavît Ugurî vist vîrî ke weçînayîşê 7ê hezîrana 2015î ra nata HDP hedefê hêrişanê sîstematîkan ê dewlete de yo û vat: ''Ma dewaya Denîze Poyraz û delîlanê neweyan ê serê Qirkerdişê Garê ra fam kenê ke hêrişê vera HDPyî qestî ra yenê kerdene û armanc tasfîyeya HDPyî ya. Îqtîdar seba ke HDPyî bêveng bikero û muxalefetî bigêro binê kontrolê xo provakasyonan, cînayetan keno. Ma eşkenê vajê ke prosesê verê ma de hêrişê vera HDPyî do bizêdîyê. Îqtîdar seba ke alozîye ra paştî gêno HDPyî binê nameyê terorîzmî de krîmînalîze keno. Prosesê 2023yî de operasyonê vera HDPyî zî beno ke bizêdîyê.

Ez venga muxalefetê komelkî, rêxistinanê demokratîkan, muxalefetê burjuvayî dana ke wa vera hêrişan hişyar bibê, nînan teşhîr bikerê û bi zelalî red bikerê. Eke ma wazenê nê îqtîdarê yewmerdimî ra bixelisê ganî pîya vengê xo vejê.''