Hemserekê Partîya Herêmanê Demokratîkan (DBP) yê Wanî Çetîn Uyarî tecrîdê Îmraliyî, tedaya vera zîndanan û mergê zîndanan ANFyî rê ercnayî.

Uyarî da zanayene ke tecrîdê vera Rayberê Şarê Kurdî Abdullah Ocalanî pêro zîndananê Tirkîya û komelî rê vila bîyo û vat: ''Tedaya vera zîndanan ra dima zîndanan de mergî zî zêdîyayî. Wextê janî de îdareyanê zîndanî maske û malzemeyê hîjyenî nêdayî tepişteyan. Tepişteyê ke pê Korona kewenê, binê nameyê karantîna de 14 rojan hucereyan de ver dîyenê. Tepişteyî beno ke uca de bimirê. Wezaretê Edaletî û îdareyê zîndanan mesuldarê nê mergan ê. Cezaya hucreyî ya 14 rojan înfaz o.

Tepişteyê nêweşî nênê berdene bi nêweşxaneyan. Îqtîdarê AKP-MHPyî  tedaya xo zîndanan de zêdînaya. Nika zîndanan de binê nameyê sewqî de surgunî yenê kerdene. Bi nê hawayî keyeyan rê zî îşkence yeno kerdene. Sey Aysele Tugluk hetê ATKyî ra tepişteyanê nêweşan rê raporê 'eşkenê zîndan de bimanê' yenê dayene. ATK goreyê polîtîkayanê dewlete têgêreno. Bi taybetî dima ke Bekîr Bozdag bi Wezîrê Edaletî tedaya zîndanan zêdîyaye. Bi bahaneya janî tecrîd yeno meşrûkerdene. Ganî tecrîdê vera Abdullah Ocalanî bêro wedaritene û tepişteyê nêweşî bêrê veradayene.''