Dem Partî Merkezê Şaredarîya Bajarekê Kepezî ya Çanakkale de kombîyayîşê ‘Haştîye, Edalet û Nan’ serûber kerd.

Hemserekê DEM Partî Tuncer Bakirhanî kombîyayîş de qisey kerd. Bakirhanî pare kerd ke kurdî prosesêkê tarîxî ra derbaz benê û vat: ‘’Heyetê ma Îmrali de Birêz Ocalanî de pêvînayîşî kerdî. Dewlete hetêkî ra qalê haştîye kena la hetê bînî ra bi destê SMOyî hêrişê Rojawanî kena. Çîyo winayên nêno qebulkerdene. Eke haştîye est ba ganî pêro Tirkîya, herême û Rojawanî de biba.

Ez venga dewlete dana ke wa kayan ra fek vera bida û samîmî ba. Çend reyî prosesê çareserîye bi rojdem û kurdan zî tim destê xo seba haştîye derg kerdî. La dewlete bi xo proses xera kerd. Ganî narey wina nêbo. Haştîye seba kurdan, tirkan, ereban, elewîyan, cinîyan, ciwanan û seba her kesî ganî têdûşt biba. No proses ma pêroyînan eleqedar keno.

Wexto ke haştîye do bêra het kesî rê edalet zî do bêro.’’