Wezîrê Weşîye yê Tirkî Fahrettin Kocayî derheqê janê Korona de hesabê xo yê Twîtterî ser ra zanayîş da.

Goreyê eşkerayîye Vakurê Kurdîstanî û Tirkîya de 24 saetanê peyênan de 57 kesê bînî rîyê Korona ra merdî. Pîya bi nînan hûmara fermîye ya kesanê ke heta ewro merdî bîye 3 hezar û 641. Reyna 1977 kesanê bînan de vîrus ame tesbîtkerdene û hûmara nêweşan bîye 133 hezar û 721.

Kocayî vat: ''Hûmara nêweşan a ke vizêr şîyebî dîyare ewro ameya ware. Reyna hûmara merdeyan û êyê ke serwîsê ciewnîyayîşê giranî de yê zî ameye ware. Ma do bi tewirêkê qerardarî vera janî ser bikewê.''