Heyetê Îmraliyî yê DEM Partî siba de badê pêvînayîşê 3ine yê bi Rayberê Apoyî Îstanbul de saete 17:00 de eşkerayîye bido. Heyet do eşkerayîye de vengdayîşê Rayber Apoyî pare bikero.

Vengdayîşo tarîxî Amed û Wan de do ekrananê girdan ra bêro parekerdene. Amed de Meydanê Şêx Seîdî de ekrananê girdan ra do vengdayîş bêro parekerdene.  Yeno pawitene ke bajaranê dormeyî ra do bi hezaran kesî verê xo bidê Amedî. Wan de zî do Meydanê bajarî de ekranê ledî bêrê ronayene. Yeno pawitene ke bajaranê Serhedî ra do bi hezaran kesî verê xo bidê Wanî.

DEM Partî, DBP, û TJA veng da ke wa şar siba 16:00 de Amed û Wan de vejîyo waran.