Goreyê agahîyanê ke ameyê girewtene şewe Bursa de, kesanê nenasan hêrişê bînaya DEM Partî ya qezaya Înegolî kerd. Hêriş de kamera û camê bîna ameyî şiknayene.

Endamê DEM Partî o çax bîna de bîyî. Nînan hêrişker tepişt û teslîmê polîsan kerd. Îdarekar û endamanê partîye verê bîna de vera hêrişî nêrazîbîyayîşê xo mojna.

Hemsereka DEM Partî ya Bursa Denîze Buyuk pare kerd ke nê hêrişî organîzekerde yê û ê do vera hêrişan qetî apey game nêerzê.

Denîze Buyuk da zanayene ewro saete 19.00 de verê bîna de ê do hêrişî protesto bikerê û venga pêro kesan, dezgehanê demokratîkan da ke wa tewrê protestokerdişî bibê.