Zîndananê tirkan de qasê 2 hezar û 500 tepişteyê sîyasî yê kurdî yê rojawanij û rojhelatijî est ê. TUHAY-DERî bale ante rewşa nê tepişteyan ser û pare kerd ke ê nêeşkenê heqanê xo yê bingeyîyan bişuxilnê.

Hemserekê TUHAY-DERî yê Wanî Çetîn Uyarî derheqê babete de ajansê ma rê qisey kerd. Uyarî vat: ‘’Tepişteyê rojawanij û rojhelatijî nêeşkenê keye û avûkatanê xo bivînê. Zafê nînan hucreyanê yewkesîyan de tepişîyenê, nê cayan de tena werd dîyeno la îhtîyacê bînî nênê peydakerdene.’’

Uyarî dîyar kerd ke tepişteyanê rojawan û rojhelatijan rê qestî ra cezaya muebede dîyena û nê herinda Wan, Amed û Mêrdînî de surgunê zîndananê bînan yenê kerdene. Uyarî vat: ‘’Şertanê ekonomîkan ra keyeyî nêeşkenê şorê zîyaretan. Ma kenê ke nê tepişteyî bibê wayîrê îmkananê huqûqîyan. Îmkanê nê keyeyan çin ê. Ma kenê ke paştî bidê nê tepişteyan. Kinc, sol û cilê nê tepişteyan çin ê. 

Ma venga Wezîrîya Edaletî û Komîsyonê Cigêrayîşî yê Meclîsî danê ke seba ke ma bieşkê hetkarîya tepişteyan bikerê wa astengîyan wedarnê. Solê nê tepişteyan zî çin ê.’’