Îstanbul de 18ê gulane de 10 noqtayan de seba serrgêra qetilkerdişê Îbrahîm Kaypakkayayî hetê Têgêrayîşê Kaldiraçî ra pankartî ameybî daliqnayene. Naye ra çend rojî dima wendoxê Kovara Kaldiraçî û wendekarê Zanîngehê Yildiz Teknîkî Ozguzhan Kul hetê kesanê ke xo rê vatêne polîs ra raştê ferzkerdişê ajanîye ame.

Oguzhan Kul tedaya polîsan ser o ANFyî rê qisey kerd.

Kulî dîyar kerd ke tedaya polîsan 20ê gulane de Bulvarê Barbarosî yê Beşîktaşî de ameye kerdene û wina vat: ''Wextê kontrolê GBTyî de polîsan pers kerd ke ez tewra serebûtan bîya yan nê. Polîsan waşt ke mi berê wesayîtê xo la mi qebul nêkerd. Dima înan vat ke ma bineyk şorê. Seba ke nasnameyê mi înan de bi ez neçare menda ke peyê înan de şora. Dima înan mi rê vat 'Ma zanenê ke Kaldiraçî ra embazê to est ê. Her cade pankartî daliqîyayê. Ma to teqîb kenê. Vizêr şewe Kadikoy de ti şayîya rojbîyayîşî de bîyî. Ti wendekarî, zehmetîye ancenê. Ma eşkenê to rê hetkarîye bikerê.' 

Mi nasnameyê xo girewt, mi waştişê înan qebul nêkerd. La narey înan keyeyê mi de mi rê teda kerde û mi rê ajanîye teklîf kerde. Polîsan reyna kuçeyêk de ez teqîb kerda. Reyna waşt ni de qisey bikerê. Mi vat ke ez nêwazena înan de qisey bikera. Mi vat 'Ez gêrena avûkatê xo, eke mi rê çîyêk bibo ez do ey de qisey bikera.' Senî ke mi wina vat polîsî zî şîyî.''