Wekîlan Endamanê Komîsyonê Heqanê Merdiman ê Meclîsî yê HDPyî Fatma Kurtulan û Huseyîn Kaçmaz seba ke tepişteyanê Îmraliyî Rayberê Şarê Kurdî Abdullah Ocalanî, Hamîlî Yildirim, Veysî Aktaş û Omer Hayrî Konar bivînê muracat kerd.

Wekîlan muracatê xo de ard ziwan ke keyeyê tepişteyan tewr peyên 25ê adare de pê telefonî merdimanê xo de qisey kerd û keyeyî pê reşwa weşîye ya merdimanê xo qerqilîyenê. Wekîlan îfade kerd ke seba ke qesawet werte ra wedarîyo ganî keye û avûkatî cade şorê Îmraliyî û tepişteyan bivînê.