Xebatkaranê weşîye xeylêk şaristanan de kar war verda û waşt ke şerê înan ê karî wa bêrê weşkerdene

Amed de kedkaran waşt ke verê Nêweşxaneyê Dewlete yê Selahattîn Eyyubîyî de şorê la polîsan verê înan girewt. Kedkaranê weşîye bi slogananê 'Serfîrazîye do yê kedkaran ba', 'Rojêke do bêra, AKP do hesab bido şarî' ablûkaya polîsan protesto kerde.

Mersîm de Şubeyê SESî berê Nêweşxaneyê Dewlete de eşkerayîye daye, dowîzê bi nuşteyê 'weşîye karêko komelkî yo' akerdî. Temsîlkara SESî Aygule Batmaz bale ante rewşa kedkaran ser û vat ke kedkarî krîzê ekonomîkî de têrî yê.

Adana de kedkaranê Nêweşxaneyê Balcaliyî yê Zanîngehê Çukurova, Nêweşxaneyê Ekrem Yokî û Nêweşxaneyê Çukurova zî kar war verda.  Kedkaran sloganê 'Weşîye karêko komelkî yo' û 'Ma wazenê sey merdiman biciwîyê' vatî.

Qezaya Cizîre ya Şirnexî de kedkaranê weşîye kar war verda û verê Nêweşxaneyê Dewlete yê Cizîre de eşkerayîye daye. Endamanê SESî pankarta 'Weşîye karêko komelkî yo' akerde. Sekretera Cinîyan a KESKî Hatune Magî pare kerd ke înan seba heqanê xo kar war verda û vat: ''No grevê hîşyarkerdişî yo. Heta ke waştişê ma nêrê caardene, ma do têkoşînî rê dewam bikerê.''