Amed de mîtîngê 8ê Adare de mesajê Rayber Apoyî hetê avûkata Buroyê Huqûqî yê Asrinî Suzane Akîpa ra ame wendene.

Mesajê Rayber Apoyî wina yo:

‘’Prensîpê min o bingeyî şima reyde cuyêka efsûnî ya!

Ez zanena ke şima erdê cinîyan de raştîya merdimatîye bi pêro rûtîya ci ciwîyenê. Na rewşa cuye ya bi şima prensîpan ra yew bi ke ez payan ser de vindarnaya. 

Meseleya azadîya cinîyan hema zî zaf girîng a. Heta ke tradîsyonê tecawuzî nêro binkerdene  waranê felsefe, zanist, estetîk, etîl, dînî de raştîya komelkîye do nêvejîya werte. Heta ke serdestîya camêrdan nêra rijnayene sosyalîzm zî do ser nêkewo. Sosyalîzm azadîya cinîyan de yo. Heta ke demokrasî nêbo sosyalîzm zî do nêbo. Îmtîhanê min ê bi sosyalîzmî yo verên no bi ke ez musaya ke yew cinîye de senî qisey bikera. Sosyalîstîya yew camêrdî têkilîya ci ya bi cinîyan de eleqedar a. 

Fîrazbîyayîş aîdê cinîyan o. Cinîyî bi xo dinya yê la camêrdî nê galaksî ra dûrî kewtê. Mi seba cinîyan îdeolojîya xelisnayîşê cinîyan aver berd. Newe ra bîyayîş girîng o. Cinîyî hetê bîyolojîkî ra ney hetê komelkî, kulturel û tarîxî ra ganî bêrê ercnayene. Seke Simone De Beauvoir vatêne ti sey cinîye nêna dinya; ti bena cinîye. Ez dûştê eşq û zewajî nîya. La her roje cinîyî binê nameyê eşqî de kişîyenê. Xeylê cinîyan ney ra xo kişt.

Yew zî kulturê cinîya azade est o. Nika şima nêzdîyê nê kulturî yê. Cinîyî kenê ke dadîbîyayîş û zewijnayebîyayîşî ra wetêr bibê.La hema zî şima bi se ra 10ê kulturê azadîye îdare kenê. Ganî şima vera nê mezgî şer bikerê. Awanîya komelê serdestîya camêrdan seba cinîyan mesele ya. Şîdet, kedwerdiş, îstîsmar, ensest, tecawuz, qirkeridş est ê. Eke siba domanî bêrê kiştene şima do se bikerê. Ganî nê nakokîyan ra şima bixelisê.

Meseleya cinîyan meseleya kurdan ra hîna xorin a. Ma tena destpêkêko qij kerd. Kulturê şer û pêkewtişan vera cinîyan o. Dînamoyê têkoşînî yo ke no kultur bineyk zî bo bêro apeyberdene.

Ruhê nê dewtî sîyaseto demokratîk o û ziwanê ci zî ziwanê haştîye yo. Vengdayîşê Haştîye û Komelê Demokratîkî heman wextî de seba  cinîyan yew ronesan o. Cinîyê ke bi cuya hempare bawer kenê û veng danê vengdayîşê mi, ez nînan bi eşqê Mem û Zîne û Derweşê Evdîyî selam kena, Roja Cinîyan a 8ê Adare fîraz kena.

Bi selam û heskerdişî

Abdullah Ocalan’’