Yewîyê Qesasî yê Şehîde Sakîne Cansiz, Şehîd Savaş Amed, Şehîde Sema Koçer û Şehîd Baranî Dêrsimî bi eşkerayîyêke daye pêhesnayene ke înan aşma nîsane de Amed, Wan û Îstanbûlî de tewr tay 30 çalakîyî kerdî.

Goreyê eşkerayîye qeza û merkezê nê hîrê bajaran de vera polîs, leşker, qoricî, ajan, paştgêranê hukmatî, êyê ke madeyê kundoxî roşenê çalakîyî ame kerdene. Çalakîyan de bi xeylêk wesayîtê luksî û cayê karî yê faşîstan ameyî vêşnayene û ziraro madî dîyayo hemkaranê hukmatî. Reyna çalakîyan de qoricî û ajanî ameyî hîşyarkerdene. Ekerayîye de ame vatene ke înan vera hêrişê Zînî Wertê û Mexmûrî zî Wan de çalakîyî kerdî û ame vatene ke heta ke serê şarê kurdî de zext û hêriş bibo ê do çalakîyanê xo rê dewam bikerê.