Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) çarçewa Hemleya 'Werin Cenga Azadiyê' de Kampa Lavrioyî ya Yunanîstanî ra ver bi Atina  startê Rayraşîyayîşê Dergî yê 3 rojan da.

Girseyî pankarta 'Vera îxanet û îşxalî bêrê cengê azadîye' û 'Defend Kurdistan', posterê Rayberê Şarê Kurdî Abdullah Ocalanî û alayê PKKyî kiriştî.

Destpêkê rayraşîyayîşî de eşkerayîyêka kilme ameye dayene. Eşkerayîye de ame parekerdene ke PKK Zap, Metîna û Avaşîn de vera îşxalkeran xoverdayîşêkê destanwarîyî keno. Eşkerayîye de ame vatene ke rixmê hêzanê komploger û xayînan zî gerîlayî qetî do ser bikewê û ganî her ca bêro vurnayene warê têkoşînî.

Dima girseyî pê slogananê 'Biciwîyo Serek Apo', 'Biciwîyo xoverdayîşê gerîlayan' dest pê rayraşîyayîşî kerd. Şarê Lavrioyî pê çepikan paştî daye girseyî.

Etabo verên ê rayraşîyayîşî do Marco Poulo de şan biqedo. Çalakîkerî 1ê hezîrane de do biresê Atina.