Zîndanê Bafra de seba ke deftera xo ra şîîrê kurdkî nuştê cezaya hucreyî ya 11 rojan ameye dayene Enes Îlgen û Serdar Başaran.

Avûkatanê Komeleya Heqanê Merdiman (ÎHD) û Komeleya Huqûqnasan a Seba Azadîye (OHD) Zîndanê Bafra zîyaret kerd. Avûkatan tepişteyan de pêvînayîş kerd. Tepişteyan dîyar kerd ke 6ê hezîrane de gardîyanan eşto koxûşan ser û cezaya hucreyî daya Îlgen û Başaranî.

Serekîya Heyetê Dîsîplînî yê Îdareyê Zîndanî îdîa kerd ke 'propagandaya rêxistine' ra ceza dîyaya wird tepişteyan û şîîran PKK û KCK wasifnayêne.

Avûkatî do vera ceza muracatê Mehkemeya Înfazî bikerê.