Koordînasyonê KJKyî semedê Dayîka Haştîye Sakîne Arat mesejê serweşîye pare kerd û nê vatî:

''Ma eşnawit ke Dayîka Haştîye Sakîna Arat dinayaya xo bedilnaya û nê dejo pîl da ma. Dayîka ma Sakîne Arata ke çar ewladê ci şorişê Kurdîstanî de şehîd bîyî cuyeya ci gerek sey nimûne bêro girewtene. Cuyeya ci îfadeyê welatperwerîye, xoverdayoxîye  û zanayîşê azadî yo. Dayîke Sakîne şahîd û mexdûra înkar û îmhayê seserran a ke vera ci xover da.

Dayîke Sakîne dayîkîya xo açarnaye dayîkîya komelêkî, welatêkî û têkoşînê azadîye yê Kurdîstanî de keda pîle daye, nasnameyê dayikîya ke qederê xo rê razî bena parçe kerd û bîyî pêardoxanê polîtîkaya dayîyan ra yewe. Têkoşînê ci ke verê zîndanî di bi hemrayîya Cemal Aratî dest pêkerd, bi endamîya ronayoxê têgêrayîşî Dayîkanê Haştîye ame domnayene û her warê xoverdayîşê sîyasetê demokratîkî de dewam kerd. Ma aye bi heskerdişş vîr ane û keyeyê ci û şarê xo rê serweşîye wazenê.

Dayîkê bi des hezaran şehîdan, gerîlayan û hemrayanê ma ke zîndan de yê dejê xo açirnayî zanayîşî û vera sîstemê koletîye sere wedarit û têkoşînê xo xurt kerd. Dayîke ma yê ke bîyî hemrayê ewladanê xo afirnayîşê heme serkewtişan de bîyî wayîrê keda tewr pîle. Ma pê sereberz ê ke ma ewladê nê dayîkan ê. Ma şexsê Dayîke Sakîne de soz danê heme dayîkanê xo ke dejê ancenê  ma do heta caardişê Kurdîstanê azadî û cuyeya azade ke xeyalê înan o  têkoşînî bidomnê. Wa nêro vîrakerdene ke ê dayîkê qehremanîya biheybetî yê. Ma do tim ewladê înan ê qehreman bê.''