Koordînasyonê KJKyî bi eşkerayîya nuştekîye çalakîyê 8ê Adare selam kerdî û nê vatî:

''Ma emser 8ê Adare bi mesajê Rayber Apoyî ke sey Manîfestoyê Xelisnayîşê Cinîyan ê Seserra 21ine ya, 8ê Adare pîroz kerd. Ma manîfestoyê Rayber Apoyî ke dewrê ke ma ciwîyenê sey Ronenansî û Roşnbîyayîşê Cînîya Azade name kerd, heme wextî kerdî 8ê Adare û bi vilikan û wisarî xemilna, selam kenê!

Cinîyan ke no manîfesto goştarî kerd 8ê Adare de vejîyayî waran û wayîrê vengdayîşê Haştîye û Komelê Demokratîkî vejîyayî û bi hewayêkê qerardarî mojna ke do serkêşîya nê prosesî bikerê. Her hetê dinya de cinîyî vejîyayî waran vera zextanê serê cinîyan sere wedarit û vengê xo berz kerd.

Ma sey KJKyî keda girde ya demokrasî û azadîye yê cinîyan selam kenê. Slogana Jin Jiyan Azadî vera pêro şîdetê camêrdan bena serbanê têkoşînê hemparî. Gerek ma bi aktîvîteyanê cîya cîyayan Manîfestoyê Xeslinayîşê Cinîyan ê Rayber Apoyî sero munaqeşe bikerê. Ma veng danê cinîyan ke wa nê perspektîfî dahîna hol fam bikerî û bîyarê caardene.

Cinîyê ke cuye û azadîye erjîyaye û bimanê vînenê do dinya bixelisnê azad bikerê, roşn û rind bikerê. Mesajê Rayber Apoyî û çar gileyê Nergîs ke resayê ma dîyarîya zaf erjîyayîye û rind a. Destê ma dê yo ke ma bi na dîyarî cuyeya xo bikerê wisar. Ma keyfweş ê ke nê wisarî wina verwazî kenê, ma serewedartiş û têkoşînê xo yê înşakerdişê demokrasîyî û hêvîya xo gird kenê.

Na çarçewe de ma reyna 8ê Adare yê pêro cînîyan pîroz kenê û serewedaritiş û çalakîyanê înan selam kenê. Ma veng danê ke wa Newroze zî bi açarnê şayîya şaran, şayîya têkoşînî.''