Vizêr temsîlkaranê Îdareyê Xoserî yê Rojawanî û hukmatê demkîyî yê Sûrîye Şam de kombîyayîşêk kerdibi. Fermandaro Pêroyî yê QSDyî Mazlûm Ebdî, Hemsereka Dayîreyê Têkilîyanê Teberî yê Îdareyê Xoserî Îlhame Ehmed, Hemserekê Heyetê Temsîlkaranê Rojawanî Foza Yûsif û Hemserekê Partîya Ameyoxê Sûrîye Ebid Hamid El Mihbaş tewrê kombîyayîşî bîyî.

Dîya zanayene ke kombîyayîş de ame vatene ke ganî Peymana 10ê Adare ya ke mabênê QSD û hukmatê Şamî de amebî kerdene bê kêmasî bêra caardene. Kombîyayîş de ame waştene ke astengî û zorîyê verê peymane wa wedarîyê.

Temsîlkaranê Îdareyê Xoserî kombîyayîş de waşt ke seba ke şarê Efrîn, Girê Sipî û Serêkanîyê abigêrê wareyanê xo wa hukmat sozanê xo bîyar ca. Kombîyayîş de ame ercnayene ke ganî dezgehê Îdareyê Xoserî û hukmatî senî yew bibê.

Ancî kombîyayîş de ame îfadekerdene ke wird terefî zî hetê leşkerîye û asayîşî ra hewceyê yewbînan ê.