Serekê Baroyê Amedî Abdulkadîr Guleçî ANFyî rê vengdayîşê bi vîdeoyî yê Rayber Apoyî ercna.

Guleçî dîyar kerd ke Vengdayîşê 27ê sibate hîna zaf geş bîyo û vat: ‘’26 serran ra dima Birêz Ocalanî bi veng û dîmenê xo veng da. No vengdayîşêko tarîxî bi. Naye ra pey komelo demokratîk û sîyaseto demokratîk hîna bi xurtî bêrê kerdene. Nê vengdayîşî ra dima komel hîna bi bawerî do wayîrê prosesî vejîyo.

Ganî Meclîs de zî komîsyon bêro ronayene. Seba qedînayîşê wextê têkoşînê çekdarî, seba afernayîşê warê sîyasetê demokratîkî û warê huqûqî no vengdayîş îmkanêkê pîlî pêşkêş keno.’’