Siba şaristanê Silêmanî yê Başûrê Kurdîstanî de komêka gerîlayan do vengdayîşê Rayber Apoyî ser o eşkerayîyêke bida. 

Komêka ke sîyasetmedaran, temsîlkaranê rêxistinan, rojnamegeran û nuştoxan ra yena pê seba ke eşkerayîya gerîlayan teqîb bikera Amedî ra kewte rayîr. Kome de qasê 150 kesî est ê. Kome verê Stadyumê Amedî de, qezaya Peyasî de kom bîye.

Kome de Hemserekê DBPyî Çîgdeme Kiliçgun Uçar û Keskîn Bayindir, Vervatoxa Meclîsê Cinîyan ê DEM Partî Halîde Turkoglu, Serekê DADî Zeynel Kete û Hemsereka OHDyî Ekîne Yeter zî cagênê.