Cinîyanê Wanî derheqê mesajê bi vîdeoyî yê Rayber Apoyî de qisey kerd û vat: ''Ganî her kes bibo hetêkê nê îradeyî. No vengdayîş seba pêro Rojhelatê Mîyanênî vengdayîşê haştîye yo. Wa her kes bi mesuldarî têbigêro.''
Cinîyanê Wanî derheqê mesajê bi vîdeoyî yê Rayber Apoyî de hîs û fikrê xo ajansê ma rê pare kerdî.
Aktîvîstanê TJA ra Hatîce Oktay vat: ‘’Rayber Apoyî tena seba Tirkîya ney seba pêro Rojhelatê Mîyanênî helêka tarîxîye mojnaye. Ganî komel cewab bido nê mesajî. Nê mesajî mîyanê komelî de kelecanêko pîl viraşt. No vengdayîş seba pêro Rojhelatê Mîyanênî vengdayîşê haştîye yo. Ma do destê ma ra çi bêro bikerê. No proses ganî şarî reyde bêro awankerdene.’’
Aktîvîsta TJA Zeynepe Kaya vat: ‘’Vengdayîşê Rayber Apoyî zaf ercîyaye yo. Ganî ma pêroyî wayîrê nê vengdayîşî vejîyê. Ganî şar, dewlete, partîyê sîyasî û rêxistinê girseyî paştî bidê nê prosesî. Ganî her kes nê prosesî de bi mesuldarî têbigêro. Haştîye bi têkoşînê hemparî û paştdayîşê komelkîyî awan bena.’’
Aktîvîsta TJA Rojbîne Bor vat: ‘’Vengdayîşê Rayber Apoyî helêka tarîxî ya. Bi taybetî mîyanê cinîyan de mesajê Rayber Apoyî kelecanêko pîl viraşt. Çunke tewr zaf cinîyî binê tesîranê şerî de manenê. Xora seba cinîyan paradîgmaya Rayber Apoyî rayîrê felate yo. Ganî her kes bi mesuldarî têbigêro.’’
