Merkezê Îrtîbatî û Çapemenîye yê HPGyî nasnameyê 8 şehîdanê Vakurê Kurdîstanî eşkera kerdî. Eşkerayîye wina ya:

‘’Gerîlatîya Vakurê Kurdîstanî 40 serran tarîxê ma yê têkoşînê çekdarî de rolêko pîl kay kerd. Vakur de binê şertanê zehmetan û bêîmkanîye de zî xoverdayîşê destanwarî û hîkayeyê qehremanîye nusîyayî. 

Bêguman no têkoşînê xeta fedayîtîye de bi gonî û keda şehîdanê ma yê qehremanan ame kerdene. Nê têkoşînê çetinî de şertanê şerî ra nasnameyê tayê şehîdanê ma nêameybî qetîkerdene. Netîceya cigêrayîşanê ma û agahîyan de ma musayê ke embazê ma Pale, Şevger, Zagros, Harun, Têkoşîn, Sefkan, Laşer û Çîyager tarîxanê cîyayan de Vakur de şehîd bîyê. Ma embazanê xo Pale, Şevger, Zagros, Harun, Têkoşîn, Sefkan, Laşer û Çîyagerî bi rêzî yad kenê.

Ma sere de keyeyanê ercîyayeyan ê embazanê xo rê, pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşê embazanê xo yê şehîdan Kurdîstan de bipawê.

Nasnameyê embazanê ma wina yê:

Nameyê Qodî: Pale Rêvan Name û Peyname: Abdî Ekmekçî Cayê Bîyayîşî: Mûş Maye-Pî: Gulluye – Alî Tarîx û Cayê Şehadetî: 24ê Hezîrana 2019î / Dêrsim

 

Nameyê Qodî: Şevger Rojger Name û Peyname: Harun Sune Cayê Bîyayîşî: Şirnex Maye-Pî: Feysa – Selima Tarîx û Cayê Şehadetî: 24ê Hezîrana 2019î / Dêrsim

 

Nameyê Qodî: Zagros Zîlan Name û Peyname: Îhsan Etmanî Cayê Bîyayîşî: Selmas Maye-Pî: Fatma – Cihanbexş Tarîx û Cayê Şehadetî: 29ê Êlula 2017î / Besta

 

Nameyê Qodî: Harun Civyan Name û Peyname: Harun Karay Cayê Bîyayîşî: Colemêrg Maye-Pî: Încîye– Mihyeddin Tarîx û Cayê Şehadetî: Teşrîna Peyêne ya 2020î / Garzan

 

Nameyê Qodî: Têkoşîne Serhed Name û Peyname: Serape Kaya Cayê Bîyayîşî: Erzirom Maye-Pî: Perîşane – Reşît Cayê Şehadetî: Dêrsim

 

Nameyê Qodî: Sefkan Saleh Name û Peyname: Ferhat Ateş Cayê Bîyayîşî: Amed Maye-Pî: Aytene – Şehmus Tarîx û Cayê Şehadetî: 3yê Temmuza 2020î / Dêrsim

 

Nameyê Qodî: Laşer Munzur Name û Peyname: Ercan Çetîn Cayê Bîyayîşî: Dêrsim Maye-Pî: Şehrîbane – Nurî Tarîx û Cayê Şehadetî: 21ê Teşrîna Verêne ya 2021î / Dêrsim

 

Nameyê Qodî: Çiyager Tolhildan Name û Peyname: Adem Goz Cayê Bîyayîşî: Wan Maye-Pî: Fatma – Îrfan Tarîx û Cayê Şehadetî: 21ê Teşrîna Verêne ya 2021î / Dêrsim

 

Embazê ma Pale Mûş de dadîya xo ra beno. O 2010 de Dêrsimî ra tewrê gerîlayan beno. O 3 serran Dêrsim de têkoşîn keno û dima derbazê Herêmanê Pawitişî yê Medya beno. La 2015 de ancî agêreno Dêrsimî. O heta şehadetê xo Dêrsim de şer keno û beno milîtanêko serkewte.

Embazê ma Şevger Hezex de dadîya xo ra beno. O 2016 de Dêrsimî ra tewrê gerîlayan beno. Embazê ma koyanê Dêrsimî de tim sey qehremanêkî têgêreno, embazanê xo rê beno nimûneyê milîtanîya Apogîre. O Gelîya Harçîkî de embazê ma Paleyî reyde pêkewtişê vera dişmenî de şehîd beno.

Embazê ma Zagros Selmasê Rojhelatê Kurdîstanî de dadîya xo ra beno. O 2008 de Xakurkê ra tewrê gerîlayan beno. Embazê ma Cîlo de şer keno, Zagrosan de bi xurtî vera dişmenî şer keno. O 2014 de Erzirom de dest pê erkî keno. Embazê ma tim bi kesayetê xo yê kedkar û fedakarî embazanê xo rê beno serkêş.

Embazê ma Harun Colemêrg de dadîya xo ra beno. O 2010 de tewrê gerîlayan beno. Embazê ma Vakurê Kurdîstanî de perwerde vîneno û tîya de bi xurtî gerîlatîyêka fedayîtîye keno. O wextêkê kilmî de beno fermandar. Ma soz danê ke do vîrameyîşê embazê xo Harunî bipawê.

Embaza ma Têkoşîne Erzirom de dadîya xo ra bena. A 2015 de rêçê kekê xo ser de tewra gerîlayan bena. Embaza ma Têkoşîne koyan de bê hesabî û bi fedakarî şer kena. A seba azadîya cinîyan û şarê ma têkoşîn kena û peyê xo de mîrasêkê pîlî verdana. Ma do armancanê aye bîyarê ca.

Embazê ma Sefkan Amed de dadîya xo ra beno. O tebaxa 2013î de tewrê gerîlayan beno. Embazê ma cade adapteyê koyan beno. Embaz Sefkan pêro erk û mesuldarîyanê xo bêkêmasî ano ca. O Dêrsim de rêçê Seyîd Rizayan de têkoşîn keno û qesasê şehîdanê ma gêno.

Embazê ma Laşer Pulirê Dêrsimî de dadîya xo ra beno. Embazê ma Laşer 2015 de Dêrsimî ra  tewrê gerîlayan beno. O bi eşqê gerîlatîye têgêreno û keno ke kilîdê Koyanê Dêrsimî bivîno. O her cayê Dêrsimî ra gêreno û şarê Dêrsimî rê beno cayê bawerîye. O heta peynî şer keno û Dêrsim de şehîd beno.

Embazê ma Çîyager Wan de dadîya xo ra beno. O 2016 de Dêrsim de tewrê gerîlayan beno. Embazê ma koyanê Dêrsimî de panc serran bi coşî û kelecanî şer keno. Embazê ma çalakîyanê serkewteyan de cagêno.  Embazê ma Çîyager embaz Laşerî reyde vera dişmenî heta nefesê xo yê peyênî şer keno û şehîd beno.’’