Hemsereka Komeleya Heqanê Merdiman (ÎHD) Erene Keskîn mesajê bi vîdeoyî yê Rayber Apoyî ercna.

Erene îfade kerd ke no mesaj dewrêkê girîngî yê meseleya kurdan mojneno û vat: ‘’Birêz Ocalanî ser o tecrîdêko giran est bi. 26 serran ra dima rî û vengê ey ancî eşkera bîyî. Coka mesajêkê bi vîdeoyî yo winayên mojneno ke meseleya kurdan resaya kamyew aste. Bi nê hawayî ame qebulkerdene ke muxatabê na mesele Birêz Ocalan û têgêrayîşê kurdan ê.

Nê mesajî, çekverdayîşê PKKyî pêro seba haştîye gamê girîngî yê. Naye ra pey ganî dewlete game bierza. Heta nika têgêrayîşê kurdan gamî eştî. Dewlete neçare ya ke gamêka qanûnîye bierza. Mîsal ganî dewlete tepişteyanê sîyasîyan û nêweşan vera bida.’’