Gama ke Têgêrayîşê Azadîye yê Kurdan Tirkîya cehdkerdişê haştîye û demokrasî domneno, Almanya vera aktîvîstanê krudan zextanê xo zêdînena. Mehmet Çakaso ke Zîndanê Uelzenî de yeno tepiştene bi tewirêkê bitehlukeyî ke do bibo emsal Tirkîya rê tebersînorkerdişî rê rî bi rî yo.

Mehmet Çakas Almanya de bi îdîaya endamîya PKKyî hukm werd û Tirkîya de derheqê ci de di dewayî est ê. Rêxistinê heqanê merdiman vanê eke Çakas bişawîyo Tirkîya ûca do raştê îşkence  û zulmê sîyasîyî yeno û coka qesawet kenê.  Seba ke verê tebersînorkerdişê çakasî bêro girewene bi rojan o çalakîyê protestoyî yenê kerdene.

12ê temmuze roja şemeyî saete 14:00 de Hannover de (Ernst-August-Platz) de çalakîye do bêro kerdene.

Raya verên a ke Almanya de aktîvîstêko sîyasî welato ke bi binpaykerdişanê heqanê merdiman ê sîstematî yeno zanayene, zîndanî ra yeno şawitene.Eke Mehmet Çakas bêro tebersînorkerdene no do bibo skandal!

Konseya Multecîyan ê Saksonyaya Cêrîne, Komeleya Avukatanê Komarperweran (RAV), rêxistina paştdayîşî Rote Hilfe, KON-MED û şexsê cîya cîyayî, grûb û partîyê sîyasîyî veng danê ke wa tebersînorkerdiş cade bêro vindarnayene.

Vervatoxa polîtîkayanê teberî yê grûba Partîya Çepe ya Meclîsê Federalî Cansu Ozdemîr zî vera nê vejîyaye. Ozdemîre  Daîreyê Multecîyan û Koçî yê Federalî (BAMF) rê vernîyazê persî teqdîm kerd û waşt bizano ê qerarê mehkeme pawenê ya nê.

Rojanê peyênan de Hamburg, Hannover, Celle û Uelzen de xeylê mîtîngî ameyî kerdene. Organîzatorî semedê tewrbîyayîşê çalakîyan veng danê û vanê: ''Nika tam wextê ci yo ke semedê heqanê merdiman û vera zulê sîyasîyî tewir bêro girewtene.''