Endama Konseya Hemserekîya PYDyî  hemsereka heyetî yo ke muzakreanê Şamî keno Foza Yûsif a ke ANFyî rê qisey kerd, polîtîkayê hukmatê demdemî yê Sûrîye rexne kerdî.

Yûsife ard ziwan ke qanûno bingeyî yo demdemî yo ke Şam de ame îlankerdene prosesanê sey Konferansê Dîyalogê Neteweyî  û hazirîya parlamento de Rojawan nêvînayîşî ra yeno. Yûsife tepiştişanê bêsebeban ê Helebî û Şamî nêrazîbîyayîş mojna. Foza Yûsif  îfade kerd ke komîteyo ke semedê agêrayîşê biasayîşî yê waranê îşxalkerdeyan ê Efrîn û Serkêkanîye hema destpê karî nêkerdo û seba ke berpirsîyarîye bîgîro xo ser veng da hukmatê Şamî.

Foza Yûsif vat: ''Eke tewrbîyayîşê biîrade mebo, hetê bînî ra temsîlîya Rojawanî qanûnî mebo , şexsê ke şinê tewrê ci benê herême û şarê ma nêeşkenê temsîl bikerê. No xap o. Gerek merdimê ma, roşnvîrê ma ke wina dawetan genê meginê nê xapî ro. Dewaya ma est a. Ma wazenê Sûrîyeya demokratîke înşa bikerê. Coka gerek îradeyo sîyasî bêro esasgirewtene. Ma wazenê heqanê şarê xo bîgîrê binê kontrolî. Gerek îradeyo rêxistinkerde yê şarê kurdî bêro vînayene. Heyeto ke bi nameyê Rojawanî pêvînayîş keno, heyeto ke  bi nameyê kurdan pêvînayîş keno est o. Eke nê dezgehanê reyde sey fermî pêvînayîşî bêrê kerdene, game bêrê eştene averşîyayîş beno. La tekîlîya şexsan feyde nêkena. Wa pêro şarê ma xo nê ra bipawo. Gamê şexî ma rê danê vînîkerdene. Gerek ma pêro pîya rêxistinkerde têbigêrê.''