Erdoganî ra eşkerayîya prosesî

Serekkomar Tayyîp Erdoganî ard ziwan hewteyê verê ma de o do Heyetê Îmraliyî yê DEM Partî de pêvînayîş bikero û vat o prosesî bi tîtîzîye teqîp keno.

Serekkomaro AKPyj Recep Tayyîp Erdoganî agêrayîşê Azerbaycanî de teyara de persê rojnamegeran cewab kerdî.

Erdoganî ard ziwan ke o do hewteyê verê ma de endamanê Heyetê Îmraliyî yê DEM Partî Pervîne Buldan û Mîthat Sancarî de pêvînayîş bikero û vat Serekwekîlê Pêroyî Efkan Ala û Serekê MÎTî  Îbrahîm Kalin zî do tewrê pêvînayîşî bibê.

Erdoganî îfade kerd ke eke PKKyî qerarê xo yê çekeronayîşî bîyaro ca do proses lezabez aver şiro û vat: " Dezgehê ma yê eleqedarî her game, her hemle bi tîtîzîye teqîp kenê. Ma nê prosesî halê ci de nêverdenê, destûrê provokasyonan zî nêdanê. Ma bi tîtîzîye xebiteyenê û gamanê pêtan erzenê."