Endama Komîteya Merkezî ya PKKyî Hêlîne Umît programêkê taybetî yê Medya Haber TVyî rê rojdem erjna.

Hêlîne Umît ard ziwan ke Têgêrayîşê Azadîye yê Kurdîstanî hinî zano ke pêvînayîşanê bi Rayber Apoyî de çi ameyo qiseykerdene û vat nika çîyo muhîm rewşa Rayber Apoyî ya. Qiseykerdişê Hêlîne Umît ra qismêk wina yo:

''Gama ke komplo bi tayînan vat qey hinî 'PKK qedîyeno, Têgêrayîşê Azadîye yê Kurdîstanî tesfîye beno.' La 26 serran de bi cehdkerdişanê girdan ê Rayber Apoyî zî xeta xoverdayîşî ya bine ameye afirnayene. Eke merdim biewno tarîxê PKKyî ra heta 2000an zafêr têkoşîno leşkerî ame kerdene la dima ra têkoşîno sîyasî yo komelkî yeno rayraberdene. Çunke têgêrayîşê ma fam kerd ke meseleya kurdan têna Tirkîya eleqedar nêkena, na meseleya mîyanneteweyîye ya. Hetê bînî şarê kurdî estbîyayîş û azadîya xo estbîyayîş û azadîya Raybe Apoyî secîye girewtî dest.  Hêrişê vera Îmraliyî sey hêrişê vera xo hesibna û vera nê xover da û xo rêxistine kerd. Wina qeyde têkoşînê vera Komployê Mîyanneteweyîyî têgêrayîşêkê şarî vet werte. Çar leteyanê Kurdîstanî de şar dahîna zaf bi zanaye, ame têhet û dormeyê Rayber Apoyî ame yewca.

Mesela akademîsyenêkî wina erjnayîş kerdêne: 'Raştîya kurdan xeyrê têkoşînê PKKyî heta ewro ameye. Kurdî bertengê çînbîyayîşî ra bi têkoşînê PKKyî xeslisîyayî. La ewro raştîya şarê kurdî estbîyayîşê PKKyî ra zî wetêr o; bi hêzo dahîna gird.' Raşta zî nê de heqîqeto gird est o. Ma eşkenê vajê ke Komployê Mîyanneteweyîyê yê 15ê Sibate bin kewt. Ê nêrasayî waştişê xo. Hedefê xo nêardî ca. Pêkewtişo girdo ke mabênê kurdan û tirkan de amebi plankerdene nêame caardene. Na babete de rolê Rayberîya ma gird o. Şarê kurdî o wext zaf hêrsbîyaye bi û eşkayêne hêrsxê xo bido teber la serkêşîya Rayber Apoyî de no kay ame xeripnayene.

Nika derheqê pêvînayîşê bi Rayber Apoyî zanayîşê ma est o. Nê semedî ra ma kenê ke vatişanê Rayber Apoyî yê ke pêvînayîş de vatî, raşt fam bikerê û wezîfeyanê xo raşt bewlî bikerê. Babetê sey vengdayîş beno nêbeno, tede çi est o, rojanê verê ma de do berê zelalkerdene. Tîya çend nuqtayê muhîmî est ê. Embazanê bînan zî vat; Embaz Cumayî ard ziwan, embaze Besê vat, embaz Abbasî qala ci kerde. Çîyo muhîm rewşa Rayber Apoyî ya.

Ganî verî no bêro safîkerdene. Ganî na babete de averşîyayîş bibo. Ganî Rayber Apo bieşko azad bixebito. Ganî azadîya fîzîkîye ya Rayber Apoyî bêra caardene ke bieşko bixebito. Hinî peynîya sîstemê qirkerdişî yê Îmraliyî ameya. No sîstem wina nêeşkeno dewam bikero. Ganî werte ra bêro wedaritene. Ma qale sîstemêkî kenê no munaqeşekerdişê mekanî nîyo. Medyaya tirkî na babete zaf peyde menda. Babeta esasî Rayber Apo ganî bi hewayêkê azadî bieşko bixebito. Xora çîyê bînî Rayberîye keno. Ma nê prosesî sey prosesê bedilîyayîş, bedilnayîşî genê dest.''