Çalakîya roniştişa ke vera tecrîdê Îmrali paytextê Almanya Berlinî de yena rayraberdene, hetê grûba 2. ra roja 8. de dewam kena.

Çalakîye de ewro bi wesîleya serrgêra îşxalkerdişê Efrînî vilaweke ameye wendene. Eşkerayîye de şehîdî ameyî yadkerdene û sozê pîlkerdişê têkoşînî ame dayene. Rayna bale ameye antene serê xoverdayîşê zîndanan ser û ame vengdayene ke wa tepişteyan rê bêro wayîrvejîyayene û ame vatene ke dewleta tirke zîndanan de zî Efrîn de zî sûcê merdimîye kena. Qisey kerdişan de dezgehanê mîyanneteweyî yê eleqedaran rê ame vengdayene ke wa vera tecrîdê serê Rayberê Şarê Kurdî  Abdullah Ocalanî û hêrişê dewleta tirke yê vera kurdan bêveng memanê.