Tezîyeya wird serkêşanê PKKyî Ali Haydar Kaytan û Riza Altunî Koln de dewam kena. Selma Kaytan vat gerek ma wird rayberan ke erjê girdî vetî meydan raşt fam bikerê û wayîrê têkoşînê înan bivejê.
Bajarê Kolnî yê Almanya de semedê Ali Haydar Kaytan û Riza Altunî yê ke şehadatê înan Kongraya 12. ya PKKyî de ame eşkera kerdene, komeleya kurdan de tezîye dewam kena.
Waya Ali Haydar Kaytanî Selma Kaytan ke vîrameyîş de qisey kerd, vat wird rayberanê ke bi têkoşînê xurtî erjê girdî vetî meydan û xo dima mîraso gird verda, gerek raşt bêrê famkerdene û têkoşînê înan bêro wayîrvejîyayene.
Tezîye do heta 17ê gulane Merkezê Komelê Demokratîkî yê Kurdan de dewam bikero.
Semedê wird rayberanê serkêşan ê PKKyî Koln de 18ê gulane de roja yewşemeyî do merasîmê vîrameyîşî yo gird adresê Im Gewerbegebiet Pesch 12A, 50767 de bêro kerdene.
