Çalakîya roniştişa ke vera tecrîdê Îmrali paytextê Almanya Berlinî de yena rayraberdene, hetê grûba 2. ra ameye dewrgirewtene.

Çalakîye hetê wekîlanê verênan ê HDPy, temsîlkaran KOMAWî, temsîlkarê Konfederasyonê Şaran ê Demokratîkan ê Ewropa, Hemserekê DBPyî yê Wêranşarî Hoşnaf Ata, roşnvîr û hunermendî, temsîlkarê KON-MED û FED-KURDî, Şaredarê Agirî yo verên Huseyîn Yilmaz, endamê TEV-ÇANDî, endamê TCŞ, TEKO-JİN, AvEG-Kon, ATİF, FEDA, PYD û Partîya Komînîste ya Kurdîstanî ra ameye dewrgirewtene.

Menderes Canbekî ke bi nameyê FED-KURDî qisey kerd vat ma tîya ra qîrenê û vanê ke  hînî wextê azadîye yo.

Bi nameyê KON-MEDî hemserekTahir Koçerî qisey kerd. Koçerî vat: ''Zîndanan de vera zext û hêrişê rejîmo faşîst ê AKP-MHPyî zîndan de çalakîyî dewam kenê. Ma tîya ra paştî danê înan.''

Wekîla verên a HDPyî ya Amedî Nursel Aydogan zî zîndanî sey goristanan name kedî û vat.  ''Cesaret û qerardarîya tepişteyan çalakîyanê înan ê verênan ra yeno zanayene. Ganî goreyê nayî bêro têgêrayene.''

Bi nameyê KOMAWî zî babîye Leyla Şaylemez qisey kerd. Cumali Şaylemîzî xoverdayîşê zîndanan selam kerd û vat pê înan sareyê înan berz o.