Çalakîya nobete ya Berlinî dewam kena

Çalakîya nobeta ke vera tecrîdê serê Rayberê Şarê Kurdî Abdullah Ocalanî û binaykerdişê heqan ê tepişteyan paytextê Almanya Berlin de ameye destpêkerdene, roja 7. de dewam kena.

Çalakîya roniştişa ke vera tecrîdê Îmrali paytextê Almanya Berlinî de yena rayraberdene, hetê grûba 2. ra roja 7. de dewam kena.

Hemserekê DBPyî yê Wêranşarî Hoşnaf Atayî vat: ''Birêz Ocalano ke Rojhelatê Mîyanênî de 50 mîlyon kesan temsîl keno binê tecrîd de yo. Wa şarê ma paştî tepişteyan û wayîrê Rayberê xo vejîyo.''

Zeynep Rohilata ke bi nameyê Komîteya Kurdîstanê Rojhilatî yê KCDK E  qisey kerd, xoverdayîşê zîndanan selam kerd ard ziwan ke Rojhilat de zî zextê faşîzmî estê û vat: '' Ma do tim vera nê zîhnîyetî mucadele bikerê.''

Şaredarê Agirî yo verên Huseyîn Yilmazî zî tecrîdê serê Abdullah Ocalanî şermezar kerd û vat: Tirkîya rîyê tecrîdî ra tengayî ancena. Coka ganî vera nayî mucadele bêro pîlkerdene.''

Endamê  PMyî yê HDPyî yo verêne Mazlûm Karagozî zî ard ziwan ke tecrîd û şerê vera kurdan yewbînan rê girêdayeyê û vat: ''Çi wext tecrîd yeno xorîkerdene şer zî beno giran.''

Çalakîye bi girewtişê govendî qedîyaye.