Çalakîya nobeta ke vera tecrîdê serê Rayberê Şarê Kurdî Abdullah Ocalanî û binaykerdişê heqan ê tepişteyan paytextê Almanya Berlin de ameye destpêkerdene, roja 10. de dewam kena.

Roniştişê ewro de bi nameyê KON-MED hemserek Tahîr Koçerî ke qisey kerd vat waştişê tepişteyan ê înanê û wayîrê çalakîya tepişteyan vejîyenê. Koçerî ard ziwan ke  sibayî ra tepîya ê do çarçewa hemleya ''Dem Demê Azadîye yo'' de xeylêk cayanê Almanya de çalakîyan bikerê.

Temlîskara YJK-E zî vat caardişê zîndanan ê rejîmê AKPyî  yo ke dişmenê cinî, xoza û merdiman o nînê qebulkerdene.

Hemsereka Grûba Die Linke ya Parlamentoyê Eyaletê Hamburgî Cansu Ozdemîr zî Ocalan se fîlozofê dewrî name kerd û vat: ''Sebebê tecrîdî oyo ke fîkrê ey Rojawan de ameyî caardene. Paştdayîşê hukmatê Almanya yê dîktatorîya Erdoganî nîno qebulkerdene.''

Hemsereka FED-KURDî Mehtape Erol zî ard ziwan ke hukmatê Almanya caardişanê dewleta tirke yê bêhuqûqîyan tolere keno û vat: ''Gereka vera dîktatorîya Erdoganî têkoşîno hempar bêro kerdene.''

Sîyasetmedara kurde Sîbele Yigitalp zî xoverdayîşê zîndanan sey serewedaritişê vera tecrîd, qirkerdişê vera Şingalî, îşxalê vera Rojawanî û planê çînkerdişî yê vera kurdan name kerd û vat: '' Gereka her kes wayîrê nê xoverdayîşî vejîyo.''