Çalakîya roniştişî ke vera tecrîdê Îmrali paytextê Almanya Berlinî de ameye destpêkerdene roja pancine de ya.
Çalakîya ewroyî de Nure Alkişa ke bi nameyê Meclîsê Cinîyan ê Êzidîyan qisey kerd, xoverdayîşê zîndanan selam kerd û ard ziwan ke semedê wedartişê tecrîdê serê Rayberê Şarê Kurdî Abdullah Ocalanî mucadele dewam keno.
Bi nameyê Komîteya Paştîdayîşî ya Kurdîstanî zî Dr. Nick Braunsî qisey kerd. Braunsî ard ziwan ke ê tecrîdê serê Ocalanî qebûl nêkenê û vat ê paştî danê tepişteyanê ke girevê vêşanîye de yê.
Suleyman Hecoyî zî bi nameyê PYDyî şerwananê azadîye ke vera faşîzmî xover danê, xoverdayoxê zîndanî û Rayber Apo selam kerdî û mesajê pîlkerdişê mucadeleyî da.
Aktîvîstanê Ciwanan ê Antîfaşîstî zî mesajê xoverdayîşî da. Çalakîye do roja dişeme pê grûba dîyene dewam bikero.