Bi vengdayîşê Hemserekîya Dîwanê KCDK-E meydanê Alexanderplatzî yê paytextê Almanya Berlinî çalakîya roniştişî ke vera tecrîdê Îmrali ameye destpêkerdene roja çarine de dewam kena.
Çalakîye bi nameyê KCDK-E, FEDA û Yewîya Suryanîyan a Ewropa qiseykerdişî ameyî kerdene. Qiseykerdişan de bale ameye antene muhîmîya rolê Rayberê Şarê Kurdî Abdullah Ocalanî ser û ame vengdayene ke wa tecrîdê serê Ocalanî yo ke semedê heme Rojhilatê Mîyanênî mucadele keno, cade bêro wedaretene. Qiseykerdoxan xoerdayîşê zîndanan zî selam kerd û ard ziwan ke ê do pê çalakîyan wayîrê înan bivejîyê.