Ciwananê kurd û enternasyonalîstan şaristanê Manauyî yê Almanya de bi rayraşîyayîşêk û şaristanê Parisî yê Fransa de pê konvoyan Komployê 15ê Sibate şermezar kerd.

Mainz

Çalakîya hempare ya TCŞ û TÊKOJIN û enternasyonalîstan vizêr mabênê saete 14.00 û 17.00 de bi nawnayîşêk dewam kerd. Ciwanan verî seba paştdayîşê wendekaranê Bogaziçi panelêk kerd û dima dest pê rayraşîyayîşî kerd.

Paris

Ciwanan vizêr nêmroje pê 30 wesayîtan konvoyêk viraşt. Wesayîtanê konvoyî ser o alayê PKKyî û fotografê Rayberê Şarê Kurdî Abdullah Ocalanî ameyî daliqnayene.  Ciwanî ewro zî do banlîyoyêkê bînî yê Parisî de çalakîyêke bikerê.