Wekîlê DEM Partî yê Îdirî Yilmaz Hunî bi wesîleya 15ê Gulane Roşanê Ziwanê Dayîke pêşnîyaza qanûnî daye Wezîrîya Meclîsî û bale ante muhîmîya ziwanî ser.

Hunî vist vîrî ke rixmê bi mîlyonan kurdan Tirkîya de kurdkî tim bi hewayêkê sîstematîkî raştê înkarî yena û nê vat: ''Nê polîtîkîyanê bi zextan pîya bi ziwanê kurdan, tarîx û mîrasê kurdan o kulturî zî çîn hesibna. Ma wazenê ke wa 15ê Gulane sey Roşanê Kurdkî bêro qefulkerdene. Bi na geme heqê ziwanê dayîke yê kurdan eşkeno bêro teslîmkerdene.''

Vizêr zî Kombîyayîşê DEM Partî yê Meclîsî de bi wesîleya 15ê Gulane Roşanê Ziwanê Kudkî dovîzê kurdkî ameyî akerdene û reyna ame waştene ke wa kurdkî bibo ziwanê perwerdeyî û wayîrê statuyî.