Xeylêk şaristananê Ewropa de bi çalakîyan hêrişê PDKyî yê vera gerîlayan û tecrîdê vera Rayberê Şarê Kurdî Abdullah Ocalanî ameyî protestokerdene.

Paris

Paytextê Fransa Paris de aktîvîstanê Têgêrayîşê Ciwanan ê Şorişgêran (TCŞ) bi rayraşîyayîşî hêrişê PDKyî yê vera gerîlayanê HPGyî şermezar kerde. Rayraşîyayîş de posterê Ocalanî û alayê PKKyî ameyî kiriştene.

Bordeaux

Şaristanê Bordeauxî yê Fransa de vera tecrîdkerdişê Rayberê Şarê Kurdî Abdullah Ocalanî çalakîyêke ameye kerdene. Çalakîye de hêrişê PDKyî zî ame protestokerdene. Çalakîye de pankarta bi nuşteyê 'Îxanet meke PDK' ameye akerdene.

Marsilya

Şaristanê Marsilya yê Fransa de vera tecrîd û PDKyî rayraşîyayîş ame kerdene. Ciwananê TCŞ û TÊKO-JIN çalakîye de posterê Rayberê Şarê Kurdî Abdullah Ocalanî akerdî.

Saarbrucken

Şaristanê Saarbruckenî yê Almanya de kurdan bi çalakîyêke hêrişê PDKyî şermezar kerd. Çalakîye de ame vatene ke ganî kurdî yewîya xo awan bikerê.

Dortmund

Şaristanê Dortmundî yê Almanya de aktîvîstanê TCŞ û TÊKO-JIN hêrişê PDKyî protesto kerd. Ciwanan venga pêro kurdîstanijan da ke vera nê hêrişan tewir bigêrê.

Koln

Şaristanê Kolnî yê Almanya de endamanê Merkezê Komelê Demokratîkî û Meclîsê Cinîyan ê Vîyane nawnayîşêk kerd û hêrişê PDKyî protesto kerd.

Nurnberg

Şaristanê Nurnbergî yê Almanya de kurdîstanijan bi çalakîyêke azadîya Rayberê Şarê Kurdî Abdullah Ocalanî waşte. Çalakîye bi sloganan qedîyaye.