Merkezê Îrtîbatî û Çapemenîye yê HPGyî nasnameyê çar şehîdan eşkera kerdî. Eşkerayîye wina ya:

''Embazê ma Kendal Dêrik, Mizgîn Umut, Xwînrêj Cûdî û Bager Farqîn serra 2018î de Herêmanê Pawitişî yê Medya de hêrişanê dişmenî de şehîd bîyî. Ma nê embazanê xo bi rêzî yad kenê.

Ma sere de keyeyanê fermandaranê ma Kendal û Mizgînî û keyeyanê milîtananê ma yê Apogîra Xwînrêj û Bagerî rê, pêro şarê Kurdîstanî yê welatperwerî rê serweşîye wazenê. Ma şexsê embazanê xo Kendal, Mizgîne, Xwînrêj û Bagerî de ancî soz danê pêro şehîdanê xo ke Kurdîstanî azad bikerê.

Nasnameyê embazanê ma yê şehîdan wina yê:

Nameyê Qodî: Kendal Dêrik Name û Peyname: Suleyman Çelîk Cayê Bîyayîşî: Mêrdîn Maye-Pî: Nurîye – Husnu Tarîx û Cayê Şehadetî: 4ê Teşrîna Verêne yê 2018î / Herêmê Pawitişî yê Medya

 

Nameyê Qodî: Mizgîne Umut Name û Peyname: Alîye Îsazade Cayê Bîyayîşî: Ûrmiye Maye-Pî: Îltîfate – Hemdîn Tarîx û Cayê Şehadetî: 4ê Teşrîna Verêne yê 2018î / Herêmê Pawitişî yê Medya

 

Nameyê Qodî: Xwînrêj Cûdî Name û Peyname: Serdar Bayar Cayê Bîyayîşî: Şirnex Maye-Pî: Behîye – Ramazan Tarîx û Cayê Şehadetî: 4ê Teşrîna Verêne yê 2018î / Herêmê Pawitişî yê Medya

 

Nameyê Qodî: Bager Farqîn Name û Peyname: Muhammed Abdulrezak Eser Cayê Bîyayîşî: Amed Maye-Pî: Medine – Abdullah Tarîx û Cayê Şehadetî: 4ê Teşrîna Verêne yê 2018î / Herêmê Pawitişî yê Medya

 

Embazê ma Kendal Mêrdîn de dadîya xo ra beno. Embazê ma Kendalo ke qetî babîyê xo nêdîyo, bi hîsê qesasî hêrsê xo keno pîlêr û 1999 de tewrê gerîlayan beno. O cade adapteyê koyan beno û xeylê erkan gêno xo ser. O Amanos de gerîlatîye keno û serkêşîya çalakîyanê serkewteyan keno. Dima Herêmanê Pawitişî yê Medya de ancî perwerde vîneno û beno fermandar. Embazê ma Kendal Amanosî ra heta Kelareşî û Herêmanê Pawitişî yê Medya bi hawayêkê bênefesî têkoşîn keno û şehîd beno. Ma soz danê ke vîrameyîşê ey Kurdîstanê Azadî de bipawê.

 

Embaza ma Mizgîne Ûrmîye de dadîya xo ra bena. A hema domanîya xo de têgêrayîşê ma şinasnena û tewra xebatan bena. A 2006 de tewra gerîlayan bena. A wextê hêrişanê DAÎŞî de bi çêrî têgêrena û 2015 de birîndar bena. Dima a ancî verê xo dana koyan. Embaza ma Herêmanê Pawitişî yê Medya de bi kedêka pîle cewabê hêrişanê dişmenî dana. Embaza ma Mizgîne pratîkêkê serkewteyî ra dima bena fermandarêka YJA-Starî ya marîfetîne. A xeta azadîya cinîyan ra qetî tawîz nêdana, temsîlkarîya ruhê milîtanîye kena û peyê xo de mîrasêkê pîlî verdena. 

Embazê ma Xwînrêj Silopîya de dadîya xo ra beno. O 2012 de tewrê xebatanê ciwanan beno û tepişîyeno. Embazê ma zîndanî ra vejeno û verê xo dano koyan, beno gerîla. O bi qerardarî Herêmanê Pawitişî yê Medya de gerîlatîye keno. O vera DAÎŞî Başûr de têkoşînêkê xurtî keno û beno wayîrê tecrubeyanê girîngan. Embazê ma Xwînrêj heta şehadeyê xo erjanê Apogîran ra tawîz nêdano. Ma soz danê ke xeyal û armancanê ey bîyarê ca.

 

Embazê ma Bager Farqîn de dadîya xo ra beno. Embazê ma Bager beno sempatîzanê gerîlayan û tewrê xebatanê ciwanan beno. O 2015 de armanc keno ke têkoşînê xo pîlêr bikero, coka tewrê gerîlayan beno. O dima ke perwerdeyê xo temam keno Zagrosan de têkoşînê xurtî ano ca. O derbanê giranan dano dişmenî ro, hêzî dano hêzê têkoşînê ma. O tim beno wayîrê kedêka pîle.''