Dîwanê Hemserekîye yê KCDK-E pare kerd ke seba ke wayîrê grevê vêşanîye yê tepişteyan bêro vejîyayene 11ê çeleyî de ê do dest pê çalakîya roniştişî bikerê.

KCDK-E eşkerayîya xo de da zanayene ke wezîfeyê înan o ke têkoşînê vera tecrîdî pîl bikerê û her ca de çalakîyan bikerê.

KCDK-E eşkera kerd ke 11ê çeleyî de Berlin de çalakîya roniştişî ya bidore 5 rojan do dest pêbikera. Çalakîye kom bi kome do dewam bikera. Destpêk de temsîlkarê dezgehan, sîyasetmedar û roşnvîrî komêka yewîne de do ca bigêrê.

KCDK-E venga dezgeh, roşnvîr, sîyasetmedar, hunermenanê Kurdîstanî da ke tewrê çalakîya roniştişî bibê û paştî bidê çalakîya grevê vêşanîye yê zîndanan.

Çalakîye 11ê çeleyî ra dima her roje saete 13.00-15.00 de adresê Alexanderplatz / Weltuhr – Berlinî de do bêra kerdene.