Kitabxaneyê Rayberîye her serrgêra Komployê 15ê Sibate de seba ke paradîgmaya Rayberê Şarê Kurdî Abdullah Ocalan vila bikero welat bi welat gêreno. Kitabxaneyê Rayberîye vizêr şaristanê Lozanî yê Swîsre de dest pê turan kerd.

Kitabxane de pawitişname, berhem û broşurê derheqê fikranê Abdullah Ocalanî de estê û aktîvîstî nînan vila kenê. Aktîvîstî hetê bînî ra tecrîdê Îmraliyî ser o zî agahîyan danê hemwelatîyan.

Sîyasetmedara kurde Asmîne Engîn derheqê Kampanyaya 'Wextê ci yo' de ANFyî rê qisey kerd û vat: ''Seba ke fikrê Birêz Ocalanî Swîsre de bieşnawîyê ma 'Kitabxaneyê Rayberîye' da destpêkerdene. Hemwelatîyanê Swîsre zî eleweyêko pîl mojna kitabxane.''

Sereka Koma Keskan a Şaredarîya Lozanî û Encumena Şaredarîye Ilisa Penchard zî kitabxane zîyaret kerd û vat: ''Mi waşt ez paştdayîşê xo bimojna kurdan. 1999î ra nata Rayberê kurdan zîndanê Tirkîya de yo. Ma wayîrê waştişanê şarê kurdî vejîyenê. Ez venga rayaumûmîya mîyanneteweyî dana ke vera tepişîyayîşê Abdullah Ocalanî û sîyasetmedaran ê kurdan wa paştî bidê kurdan.''