Yewîya Hêzan a Demokratîke ya Ewropa şaristanê Kolnî yê Almanya de seba paştdayîşê bi wendekaranê Bogaziçi çalakîyêke kerde. Çalakîye de grevê vêşanîye yê zîndanan ame selamkerdene.

Endamê ADKH, Alinteri, Meclîsê Cinîyan ê Vîyane, Merkezê Komelê Demokratîkî yê Kurdan, YDG, SYM, ATIK, Zola û Young Stoung zî tewrê çalakîye bîyî.

Çalakîye de pankart û dowîzê bi nuşteyê 'Her ca Bogaziçi, her ca xoverdayîş', 'Seba wendekaranê Zanîngehê Bogaziçi', 'Bogaziçi têna nîya', 'Ocalanî rê Azadîye' ameyî akerdene.

Qiseykerdişan de bale ameye antene ser ke 140 wendekarê Bogaziçi ameyî destbendkerdene.

Çalakîye de KON-MEDî eşkerayîyêke wende û vist vîrî ke grevê vêşanîye yê tepişteyan ê vera tecrîdkerdişê Rayberê Şarê Kurdî Abdullah Ocalanî û binpaykerdişanê heqanê xo 27ê teşrîna peyêne ra nata dewam keno.