Muxalefetî seba zîyaretê Akarî veng da
Verî ke Wezîra Pawitişî Annegrate Kramp-Karrenbauer zîyaretê Hulusî Akarî qebul bikera muxalefetê Almanya venga aye da ke wa rejîmê Erdoganî bi xurtî hîşyar bikera. Seba çalakîya protestoyî zî veng ame dayene.
Dewleta tirke ya îşxalkere verî ke dest pê hêrişanê parçeyanê Kurdîstanî bikera tim hêverî tay zîyaretan kena.
Ewro Wezîrê Pawitişî yê Tirkîya Hulusî Akar do Wezîra Pawitişî ya Almanya Annegrate Kramp-Karrenbauer Berlin de zîyaret bikero.
Wextê pêvînayîşî de kurd û komê muxalîfî do Akar protesto bikerê. Yeno vatene ke Akar seba ke Almanya paştî bida hêrişanê vera Rojawan û Şingalî şino Almanya.
Vervatoxê SPDyî Siemte Mollerî derheqê zîyaretî de wina vat: ''Hêvîdar a ke ewro seba NATOyê neweyî gama verêne do bêra eştene.''
Partîyanê muxalîfan zî venga Annegrate Kramp-Karrenbauer da ke wa Tirkîya bi xurtî rexne bikera.
Vervatoxê Polîtîkayanê Teberî yê Partîya Keskan Omid Nouripourî RNDyî rê qisey kerd û îfade kerd ke ganî Annegrate Kramp-Karrenbauer kerdişanê Tirkîya şermezar bikera.
Hetkarê Serekê Koma Partîya Demokratan ê Azadan (FDP) Alexander Graf Lambsdorffî zî ard ziwan ke Tirkîya Rojawan, Sûrîye û Lîbya de hêrişanê xo dewam kena û pê operasyonanê xo Yewîya Ewropa rê gefan wanena. Hetkarî Annegrate Kramp-Karrenbauer ra waşt ke wa qala nê meseleyan bikera.
Ewro saete 12.30 de verê bînaya Wezaretê Pawitişî de zîyaretê Akarî do bêro şermezarkerdene.
