Şaristanê Strasbourgî yê Fransa de Çalakîya Nobeta Seba Azadîya Rayberê Şarê Kurdî Abdullah Ocalanî bi ciwanan dewam kena.
Nobetdarê nê hewteyê 449. aktîvîstê Têgêrayîşê Ciwanan ê Şorişgêran û Têgêrayîşê Cinîyan ê Azadan ê.

Çalakîye her hewte saete 08:30-17:00 de yena kerdene. Çalakîkerî çalakîye de qala tecrîdî konseptê şerî yê vera kurdan kenê.

Komîteya Amadekarîye ra Zulfu Bîngolî pare kerd ke Têgêrayîşê Azadiye yê Kurdan têgêrayîşêko ciwanan o. Bîngolî îfade kerd ke seba ke serra 2021î biba serra azadîya kurdan û Abdullah Ocalanî ganî kurdî seferber bibê.

 Bîngolî vat: ''Ma pê ciwanan dest pêkerd û ma do pê ciwanan biqedê. Ciwanî rayberîya têkoşînî kenê.'' Bîngolî venga pêro kurdîstanijan da ke wayîrê grevê vêşanîye yê tepişteyan vejîyê.

Koma nê hewteyî de nê ciwanî ca gênê: Adnan Erkek, Alî Çîmen, Ferhat Naqo, Berîtane Dersim, Kawa Gimgim û Nîzar Ozgur.