Nobeta Azadîye ke semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de verê Konseya Ewropa de yena kerdene, kewte hewteyê 450.

Çalakiya ke hewte de hewt rojî mabênê saetanê 08.30-17.00 yena kerdene, no hewte hetê welatperweranê Strasbourgî ra yena rayraberdene.Grûbe de Ceco Amed, Vedat Zinar û Îsmaîl Maraşî ca genê.

Çalakîye de bale ameye antene tecrîdê serê Rayberê Şarê Kurdî Abdullah Ocalanî ser û ame vetene ke welatanê mîyanneteweyî yê ke engişta înan Komployê 15ê Sibate de esto, berpirsîyarê qirkerdişê vera kurdan ê. Çalakîye de Konseya Ewropa û Yewîya Ewropa ra yeno waştene ke wezîfeyê xo bîyarî ca û vera tecrîdî bêveng memanê. Çalakîye derheqê têkoşîn û îdeolojîya Ocalanî de vilawekî yenê vilakerdene.