Ciwananê kurdan semedê protestokerdişê Komployê Mîyanneteweyî yê vera Rayberê Şarê Kurdî Abdullah Ocalanî paytextê Fransa Paris de rayraşîyayîşo derg da destpêkerdene.

Aktîvîstanê TEKO-JIN û TCŞyî çarçeweya Hemleya  'Tecrîd, faşîzm û Îşxalî rê bes o - Bi hev re serhildan" de rayraşîyîşêk organîz kerd. Xeylêk kurdîstanij û enternasyonalîstî tewrê ci bîyî. Saetanê nêmroje de çalakwanî verê Merkezê Komelê Kurdan ê Demokratîkan de ameyî têhet û bi sloganan azadîya Ocalanî waşte û komplokerî şermezar kerdî. Rayraşîyayîşê roja verêne heta merkezê bajarî dewam kerd.