Serrgêra Qirkerdişê Parisî de Zurih û Heilbronn de Sakîne Cansiz (Sara), Fîdane Dogan (Rojbîne) û Leyla Şaylemez (Ronahî) ameyî yadkerdene.

Zurih

Şaristanê Zurihî yê Swîsre de rayberîya Meclîsê Cinîyan ê Ronahî de 3 cinîyê şorişgêrî yê kurdî bi çalakîyêke ameyî yadkerdene. Çalakîye de cinîyan waşt ke mesuldarê qirkerdişî Erdogan wa bêro hukmkerdene. Cinîyan çalakîye de vilawekî vila kerdî.

Heilbronn

Şaristanê Heilbronnî yê Almanya de cinîyan derheqê Qirkerdişê Parisî de standêk akerd û çarçewa Kampanyaya '100 Sebebê Seba Hukmkerdişê Dîktatorî' îmzayî arê dayî. Gulîstane Meşkîne verê standî de qisey kerd û îfade kerd ke ganî Fransa nê qirkerdişî roşnî bikera.